کراچی:چیئرمین تحریک انصاف نے حکومت سے لازمی سروس ایکٹ فوری طور پر واپس لینے کا مطالبہ کردیا، کہتے ہیں پی آئی اے ملازمین مذاکرات کے لیے تیار بیٹھے ہیں۔اپنے حقوق کے لیے کھڑا ہونے والا ہر شخص سیاسی ہوتا ہے۔

کراچی میں پی آئی اے ملازمین کے دھرنے سے خطاب کرتے ہوئے عمران خان نے کہا کہ پر امن احتجاج پر تشدد قابل افسوس ہے،ظلم کرنے والوں کے خلاف سب کو کھڑا ہونا چاہئے،اپنے حقوق کے لیے کھڑا ہونے والا ہر شخص سیاسی ہوتا ہے۔

چیئرمین تحریک انصاف نے حکومت سے لازمی سروس ایکٹ فوری طور پر واپس لینے کا مطالبہ کیا اور کہ پی آئی اے ملازمین مذاکرات کے لیے تیار بیٹھے ہیں،حکومت بتائے کہ نجکاری کے بعد ملازمین کے مستقبل کا کیا ہوگا۔

اس موقع پر پی آئی اے جوائنٹ ایکشن کمیٹی کے چیئرمین سہیل بلوچ نے کہا کہ وزیراعظم بلائیں تواحتجاج موٴخر کرکے ان کے پاس جانے کو تیارہیں۔
سہیل بلوچ کا کہنا تھا کہ نجکاری ہونے سے پی آئی اے کی بہتری نہیں ہے۔