بلیک بیری کا نیا فون مارکیٹ میں آچکا ہے اور  اس بار بلیک بیری نے صارفین کو  فون کے ساتھ  ایک کی بورڈ بھی فراہم کررہے ہیں۔

بلیک بیری فون بنانے والی چینی الیکٹرونک  کمپنی ٹی سی ایل نے جمعرات کو بلیک بیری کا ایک نیا اسمارٹ فون 'بلیک بیری کی 2' متعارف کروانے کا اعلان کیا ہے۔ اس فون میں  ڈیول کیمرا، ایج ٹو ایج ڈسپلے اور ایک کی بورڈ کے فیچرز موجود ہیں۔

بلیک بیری کی 2  گزشتہ سال ریلیز ہونے والے فون' کی وون' سے  آپ ڈیٹڈ فون ہے۔ بلیک بیری کی وون کے مقابلے میں  اس فون میں مختلف فیچرز موجود ہیں، اس کے علاوہ گزشتہ فون کے مقابلے اس  فون کا کیمرا  بہتر ہے اور کی بورڈ بڑا ہے۔

بلیک بیری کی ٹو کے چند نئے فیچرز ملاحظہ کیجئے:

٭بلیک بیری  کی ٹو، کالے  رنگ یا کالے اور  چاندی رنگ میں دستیاب ہے۔

٭بلیک بیری کی ٹو کی ایل سی ڈی کی سائز 4.5 انچ ہے۔

٭بلیک بیری کی ٹو  کی اسکرین  پرانے فونز کے مقابلے بڑی ہے۔  اس کے علاوہ فون میں ایج ٹو ایج ڈسپلے کا فیچر شامل ہے۔

٭بلیک بیری کی ٹو  کی سطح الیمیونیئم فریم سے بنائی گئی ہےاور اس کے پیچھے والے حصے کو اتنا ملائم بنایا گیا ہے کہ فون کو باآسانی کنٹرول کیا جاسکتا ہے۔

٭ بلیک بیری کی ٹو  کے کی بورڈ میں ایک نیا بٹن 'اسپیڈ کی' کے نام سے متعارف کروایا گیا ہے جو 'سمبل' بٹن کے سامنے  دیکھا جاسکتا ہے۔

اسپیڈ کی ایک ایسی  شارٹ کٹ کی ہے جس کی مدد سے آپ فوراً سے ایک ایپ سے دوسری ایپ پر سوئچ کرسکتے ہو۔  اسے استعمال کرنے کیلئے ، اسپیڈ کی  کا بٹن دبائیں رکھیں اور  اس کے ساتھ اس لیٹر کا بٹن دبائیں جس  کی مدد سے آپ دوسری ایپ کھول سکیں۔

٭فون کےکی بورڈ کا اسپیس بار، فنگر پرنٹ سینسر  کا بھی کام کرتا ہے۔

٭بلیک بیری کی ٹو کے  پشت پر 12 میگا پیکسل کے دو کیمرے موجود ہیں ، اس کے علاوہ کیمرے میں پورٹریڈ موڈ، اوپٹیکل زوم اور ملٹی فریم  کا فیچر موجود ہے۔

٭بلیک بیری کی ٹو کے سامنے کا کیمرہ 8 میگا پکسل کا ہے جب کہ فون میں سیلفی فلیش کا اُوپشن بھی دیا گیا ہے۔

٭اس نئے فون میں اسٹوریج کے دو اُوپشن دستیا ب ہیں ، ایک 64 جی بی اور دوسرا 128 جی بی۔ واضح رہے  کہ بلیک بیری کے گزشتہ فونز میں یہ اسٹوریج کے دو اُوپشن دستیاب تھے ۔ ایک تو 32 جی بی اور دوسرا 64 جی بی۔

٭بلیک بیری ٹو  میں یو ایز بی سی چارجنگ  پورٹ موجود ہے اور اوپر کی جانب فون میں ہیڈ فون  جیک کی جگہ بھی دی گئی ہے۔

٭ٹی سی ایل کے مطابق فون کی بیٹری لائف ایک دن سے زیادہ چل سکتی ہے۔

٭ٹی سی ایل کے مطابق  بلیک بیری کی ٹو سب سے محفوظ فون ہے کیونکہ اس میں موجود ڈی ٹی ای کے  سوفٹ ویئر آپ کو ہر لمحے فون میں موجود خطرے سے  اگاہ رکھتا ہے۔

بلیک بیری کا نیا فون'بلیک بیری کی ٹو' اس مہینے  برطانیہ کے علاوہ دنیا کے سات بڑے ملکوں میں دستیاب ہوجائے گا۔ جبکہ رواں سال جولائی کے مہینے سے  فون پوری دنیا میں متعارف کروادیا جائے گا۔

 فون کی قیمت 649 ڈالرز سے شروع ہوگی۔

بشکریہ: بزنس انسائدر

]]> https://www.aaj.tv/news/166508 Tue, 12 Jun 2018 12:09:51 +0500 none@none.com (Yasir Kaneria)