پاکستانی شوبز انڈسٹر ی میں آئے روز کچھ نہ کچھ ایسا ہوتا رہتا ہے جسے دیکھ کر عقل حیران رہ جاتی ہے ، شوبز سے وابستہ افراد کی کہانیاں لوگوں کے لئے ہمیشہ دلچسپی کا باعث بنتی ہیں ،چاہے وہ ان کی شادی کی خبر ہو،علیحدگی کی یا پھر ان کی دنیا سے جانے کی خبر ہو۔

آج ہم آپ کو شوبز کی دنیا سے تعلق رکھنے والے چندایسے فنکاروں کے بارے میں بتائیں گے جنہیں دنیا چھوڑے ہوئے عرصہ بیت گیا لیکن ہمیں معلوم ہی نہیں ہے۔

٭سارہ ریاض

سارہ پاکستانی فوڈ چینلز کی ماہر کوکنگ ایکسپرٹ تھیں،وہ لوگوں کے درمیان بہت زیادہ مقبول تھیں،لیکن انہوں نے کبھی بھی خود سے پیار کرنے والے مداحوں پر یہ ظاہر نہیں ہونے دیا کہ وہ کینسر جیسے موذی مرض میں مبتلا ہیں ۔اس مرض سے لڑتے ہوئے اٹھارہ اپریل دو ہزار چودہ کو اس جہان فانی سے رخصت ہو گئیں۔

٭فرح جہانزیب

فرح پاکستان کی ایک اور مشہور کوکنگ ایکسپرٹ تھیں ان کی اچانک موت ان کے چاہنے والوں کے لئے بہت بڑا صدمہ بن کر آئی۔
فرح کو قدرت نے نہ صرف بہترین شکل و صورت سے نوازا تھا بلکہ وہ اخلاق کی بھی بہت اچھی تھیں لوگ ان کی کوکنگ کے ساتھ ساتھ ان کی باتوں کے بھی دیوانے تھے۔

اکیس جولائی دو ہزار چودہ کو صرف بیالیس سال کی عمر میں وہ بریسٹ کینسر جیسے موذی مرض سے ہار گئیں اور اپنے مداحوں کو سوگوار چھوڑ کر اس دنیا سے چلی گئیں۔

٭بلال خان

بلال خان پاکستان ٹی وی انڈسٹری کے معروف اداکار تھے ،ان کی موت نہایت عجیب طرح سے واقع ہوئی جسے جان کر آپ حیرانی کے ساتھ افسوس کا اظہار بھی کریں گے۔ان کی موت گیارہ اگست دوہزار دس میں ایک ڈرامے کی شوٹنگ کے دوران سیٹ پر آگ لگنے کے باعث ہوئی۔

 ٭ غزالہ جاوید

  غزالہ جاوید پشتو گلوکارہ تھیں،چھبیس اپریل دو ہزار نوکو انہیں بڑی ہی بے رحمی کے ساتھ قتل کردیا گیا ،ان کے شوہر کا اس حوالے سے کہناتھا کہ انہیں ان کے بھائیوں نے مارا ہے۔

٭تمنا بیگم

تمنا بیگم پاکستانی شوبز انڈسٹری کی معروف اور بہت ہی باصلاحیت اداکارہ تھیں وہ بیس فروری دوہزار بارہ کو اپنے مداحوں کو سوگوار چھوڑ کر اس دنیا سے چلی گئیں۔

٭طاہرہ واسطی

طاہرہ واسطی ہماری انڈسٹری کی معروف مصنفہ اور اداکارہ تھیں ان کی موت گیارہ مارچ دو ہزار بارہ کو ہوئی۔