اسلام آباد:وزیراعظم نوازشریف دوروزہ سرکاری دورے پرقطرروانہ ہو گئے، متعدد معاہدوں پردستخط ہوں گے۔

وزیراعظم نوازشریف کے دورہ قطر کے دوران وفاقی وزرا اسحاق ڈار،شاہد خاقان عباسی بھی ان کے ہمراہ ہیں،پاکستان اور قطرکے درمیان ایل این جی سمیت ریڈیو،،ٹی وی،صحت اور تجارت کے شعبوں میں ایم او یوز پر دستخط کیے جائیں گے،دفاعی شعبے میں تعاون بڑھانے پر بھی پیش رفت کا امکان ہے۔

وزیراعظم کے دورے کے دوران جے ایف سیون ٹین تھنڈر طیاروں کا مظاہرہ پیش کیا جائے گا،اس موقع پر پاک فضائیہ کے سربراہ ائیر چیف مارشل سہیل امان بھی موجود ہوں گے،پاکستان لڑاکا طیارے بنانے والا واحد اسلامی ملک ہے اور یہ پہلا موقع ہے کہ جے ایف سیون ٹین تھنڈر قطر کی فضاوٴں میں اڑان بھریں گے۔