حمل (Mar21-April19)

آج ستاروں کے براہ راست اثرات کی وجہ سے آپ کی پیار و محبت بھری زندگی میں تناؤ پیدا ہوسکتا ہے اس لئے آج آپ انتہائی احتیاط سے کام لے کر اپنے معاملات کو نمٹانا ہوگا جبکہ اپنے ساتھ دوسروں کی جانب سے ہمدردی کی توقعات بالکل نہ رکھیں کیونکہ آپ کا درد سمجھنا ہر کسی کے بس کی بات نہیں۔

ثور (April20-May20)

آج آپ کی مجموعی حالت بہتر رہے گی اور اپنے رشتہ داروں کے ساتھ اپنے تعلقات میں بھی بہت گرم جوشی محسوس کریں گے۔ آج آپ کی مالی حالت تسلی بخش نہ ہونے کے باوجود آپ کے گھریلو امور اور سماجی معاملات میں کامیابی کے امکانات بہت نمایاں رہیں گے۔

(May21-June21) جوزا

آج اپنے اہداف کی تکمیل کے لئے سفر کرنا اور دوسروں کو اپنی عمدہ گفتگو کے ذریعے اپنا ہم آہنگ بنانا آپ کے لئے فائدہ مند ثابت ہوسکے گا۔ اس کی وجہ سے آپ کی مالی حالات کو بھی سہارا مل سکے گا۔ آج اپنے سماجی معاملات میں بہت متحرک ہونےکی وجہ سے دوسروں کی نظرمیں اہم مقام حاصل کرسکیں گے۔

(June22-July22) سرطان

آج دن کے آغاز میں ہی آپ کئی ایک فنکارانہ سرگرمیوں کا آغاز کرنے کی کوشش کرسکتے ہیں اور اس کے علاوہ آپ سیر و تفریح کے کسی پروگرام کو بھی حتمی شکل دے کر اسے زیر عمل لاسکتے ہیں اگر ایسا ہوتو آپ کو فروخت و مسرت کے علاوہ اپنے شریک حیات سے موجودہ تعلقات کو بھی بہتر بنانے میں مدد مل سکے گی۔

(July23-Aug22) اسد

آج اپنے موجودہ یا جاری منصوبوں اور ان کے زیرِ اثر ہونے والے عملی اقدامات کی تہہ میں کیا راز پوشیدہ ہوسکتے ہیں اس کے بارے میں آپ کو مکمل طور پر باخبر رہنا ہوگا۔ اس کے علاوہ مالی لین دین میں محتاط رہیں جبکہ ادھار دی ہوئی رقم واپسی کے لئے کسی نئے ذریعے سے کوششیں شروع کرسکیں گے۔

(Aug23-Sep22) سنبلہ

آج اپنے کام کے علاوہ اپنی توجہ صرف اور صرف اپنی محبت کو حاصل کرنے کے لئے ہی مرکوز رکھیں کیونکہ اپنے مسائل کے حل کے لئے آج آپ کو بہترین مواقع میسر آسکیں گے اور ان کا کوئی نہ کوئی حل تلاش کرنے میں بھی ضرور کامیابی حاصل کرسکیں گے۔

(Sep23-Oct22) میزان

آج اپنی تخلیقی صلاحیتوں سے کام لے کر بڑے پرجوش انداز میں کچھ نئے کاموں کا آغاز کرسکتے ہیں۔ ستاروں کی پوزیشن کو مدنظر رکھتے ہوئے آپ دوسروں کو اپنی حیثیت اور اہمیت سے متاثر کرسکتے ہیں۔ آج آپ کو اپنی خداداد صلاحیتوں کی وجہ سے سراہا جاسکتا ہے یا کسی طرح کی عزت افزائی ہوسکتی ہے۔

(Oct23-Nov21) عقرب

آج آپ کسی وجہ سے ذہنی الجھاؤ کا شکار نظر آئیں گے جس کی وجہ سے کسی بھی کاروباری فیصلے کو حتمی شکل دینا کافی مشکل ہوگا۔ اس لئے اپنے آپ کو ایسی سرگرمیوں سے دور رکھیں نیز تعلیمی سرگرمیوں اور کاروباری ملاقاتوں کے لئے بھی آج کا دن مبارک ثابت نہ ہوسکے گا۔

(Nov22-Dec22) قوس

آج اپنی فنکارانہ صلاحیتوں کو کام میں لاکر موجودہ مسائل پر قابو پانے کی کوشش کرسکیں گے۔ اس کے علاوہ آپ کو اپنے متعلقہ امور میں بھی کامیابی حاصل ہوسکے گی۔ آج آپ کو اپنے وجدان پر اعتماد کرنا ضروری ہوگا کیونکہ اس کی وجہ سے ہی آپ کو مشکلات پر قابو پانے میں مدد مل سکے گی۔

جدی (Dec23-Jan19)

آج آپ کو اپنی کاروباری اور پیشہ وارانہ مشکلات کو حل کرنے کے لئے اپنی خوبیوں کا استعمال کرنے میں دیر نہ کرنی چاہیئے۔ آپ کی محبت بھری زندگی بہت بہتر انداز میں آگے بڑھ سکے گی جبکہ کسی بھی معمولی بات پر اپنی شریک حیات کو برا بھلا کہنے سے گریز کرنا چاہیئے۔

دلو (Jan20-Feb18)

آج اپنے طے شدہ اہداف کو حاصل کرنے کے لئے آپ سخت محنت سے کام لے سکیں گے کیونکہ آج اپنے کاروبارِ حیات کو چلانے کے لئے آپ بہت متحرک اور مثبت سوچوں کے زیر اثر ہوں گے۔ آپ کے پیار بھرے معاملات بھی بہتری کی جانب گامزن ہوسکیں گے جن کی وجہ سے آپ پرسکون رہیں گے۔

حوت (Feb19-Mar20)

آج ستاروں کے طاقتور اثرات مرتب ہونے کی وجہ سے آپ کو اپنے طے شدہ شیڈول سے ہٹ کر کوئی کام نہ کرنا چاہیئے اور نہ ہی کسی قسم کا سرگرمیوں بھرا شیڈول طے کرنا چاہیئے۔ کچھ معاملات میں غیر متوقع حالات و واقعات کی وجہ سے شریک حیات بہت زیادہ پریشان ہوسکتی ہے۔

نوٹ: ستاروں کا یہ حال محض تفریحاً پیش کیاجاتا ہے۔ اس پر عقیدت رکھنا یا اسے سچ ماننا صحیح نہیں۔

صحیح المسلم حدیث نمبر193۔ کتاب الایمان باب کفر من قال مطرنا بالنوء کے مطابق یہ کفر ہے۔

]]> Trending https://www.aaj.tv/news/173865 Tue, 24 Jul 2018 08:42:31 +0500 none@none.com (ذیشان خالد حسین)