کراچی:سابق صدرپرویز مشرف کو طبیعت کی خرابی کے باعث پی این ایس شفا منتقل کیا گیا۔ جہاں ان کے مختلف ٹیسٹ بھی لیے گئے۔ تاہم طبیعت میں بہتری کے بعد انہیں اسپتال سے گھر جا نے کی اجازت مل گئی۔

جمعرات کو بھی سابق صدر کو اچانک طبیعت بگڑنے پر کراچی میں پی این ایس شفا منتقل کیا گیا۔ذرائع کے مطابق ڈاکٹرز نے پرویز مشرف کا ابتدائی معائنہ کرنے کے بعد بتایا کہ انہیں سانس لینے میں تکلیف محسوس ہورہی تھی جبکہ ساتھ ساتھ ان کا بلڈ پریشر بھی بڑھا ہوا تھا۔ جس کے باعث انہیں اسپتال میں داخل کرلیا گیا۔

اس دوران ان کے مختلف ٹیسٹ بھی کیے گئے اورسابق صدرکو انتہائی نگہداشت کے وارڈ منتقل کردیا گیا، اے پی ایم ایل کے رہنما احمد حسین نے بھی بتایا کہ سابق صدر کو بعض تکالیف کے باعث اسپتال لایا گیا۔جس کے بعد پرویزمشرف کے ذاتی معالج کو بھی اسپتال بلالیا گیا۔

لیکن چند گھنٹوں بعد اچانک ان کی طبیعت میں بہتری کے آثار نمایاں ہوگئے۔طبیعت میں بہتری کے بعد سابق صدرکواسپتال سے ڈسچارج کردیا گیا جبکہ ڈاکٹرزنے انہیں مکمل آرام کا مشورہ دیا ہے۔