اگر آپ گھر کی صفائی کے دوران اکتاہٹ محسوس کرتے ہیں تو ان آزمودہ تراکیب کو اذہن نشین کر لیں تو آپ کو یقینا مشکل کا سامنا نہیں ہوگا۔ آج ہم آپ کو چند ایسی ٹپس بتا رہے ہیں، جس کے ذریعے آپ گھر کو چند ہی منٹ میں چمکا سکتے ہیں۔ان طریقوں سے آپ چند منٹوں میں گھر کو بے حد صاف ستھرا کر سکتے ہیں۔

وہ طریقے کیا ہیں؟ آئیے جانتے ہیں اس آرٹیکل میں۔۔۔

٭ اسٹیل کی بنی چیزیں 

اسٹیل کی بنی چیزیں جیسے نل پر جمے زنگ اور چکناہٹ کے نشانات غائب کرنے کا بے حد آسان حل ہے کہ اسے ویکس پیپر سے صاف کر دیا جائے ۔ آپ حیران رہ جائیں گے کہ کچھ ہی دیر میں وہ جگہ ایک دم چمکنے لگے گی۔

٭ پرانے موزوں کو بنائیں پونچھا 

آپ نے اکثر یہ دیکھا ہو گا کہ آپ کے گھر کا پونچھا بعض اوقات زیادہ استعمال کی وجہ سے صحیح طرح صفائی نہیں کر پاتا، اس کے لئے آ پ گھر میں پڑے پرانے گرم موزوں کا استعمال کر سکتے ہیں اور آپ کوبار بار بازار جا کے نیا ریفل خریدنے کی ضرورت نہیں پڑے گی۔

٭ بیکنگ ڈش کی صفائی 

بیکنگ ڈش کی صفائی کرتے اکثر لوگوں کو پریشانی ہوتی ہے، لیکن بیکنگ ڈش کی صفائی انتہائی آسان ہے۔ سب سے پہلے بیکنگ ڈش میں نمک ڈال کے اس کو کسی تولیے سے صاف کرلیں ۔ اس سے بیکنگ ڈش میں لگی تمام ڈوہ وغیرہ نکل آئے گی۔

٭ چولھے کو نئی زندگی بخشیں 

اپنے چولھے کو پھر سے نیا اور چمکدار بنانے کے لیے ایک کپڑے میں زیتون کا تیل لیں اور چولھے کو اچھی طرح صاف کرلیں، اب دوسرے کپڑا لے کے چولھے کو ایک بار پھر سے صاف کرلیں۔ اس سے آپ کا چولھا ایک دم نیا اور صاف ہو جائے گا۔

٭ صوفوں پر لگے نشان 

اکثر اوقات صوفوں پر جوس اور دیگر کھانے کی اشیاءگر جاتی ہیں ، جس کے باعث ان اشیاءکے نشانات صوفوں پر پڑ جاتے ہیں۔اس کا ایک آسان ترین حل ہے کہ ایک کھانے کے چمچ کھانے کے سوڈے میں سرکہ ڈالیں، اب اس میں گرم پانی شامل کریںاور تھوڑا سا ڈیٹرجٹن بھی شامل کریں ۔ اب اس مکسچر کو صوفوں کے داغوں پر لگائیں اور صاف کرلیں۔

٭ جھلسے فرائنگ پین کو کلین کریں 

فرائنگ پین میں پانی ڈالیں، اب اس میں ایک کپ سرکہ ڈالیں۔ اب اس مکسچر کو ابال لیں، جب ابل جائے تواس کو چھولھے سے اتار کے اس میں کھانے کا سوڈا مکس کردیں۔جب اس میں جھاگ بننا بند ہوجائیںتو اس پانی کو پھنیک دیں۔ اب اسفنج سے باقیہ چکنائی کو صاف کرلیں۔ اس سے آپ کا پورا کا پورا فرائنگ پین نیا بن جائے گا۔

٭ گلاسوں کو چمکدار بنائیں 

گلاسوں کو صاف اور چمکدار بنانے کے لیے گلاس میں سرکہ اور نمک لگائیں اور اس کے بعد گلاس کو دھو لیں۔اس سے آپ کے گلاس نئے ناویلے بن جائیں گے۔

٭ کافی میکر کی صفائی 

کافی میکر کی صفائی کے لیے اس میں برابر کا پانی اور سرکہ ڈالیں،اب دونوں چیزیں کو مکس کرلیں،اس کے بعد میکر کو دھو لیں۔

٭استری کو نیا بنائیں 

استری کو صاف کرنے کے لیے سب سے پہلے ایک پیپر شیٹ لے لیں اس پر تھوڑا سا نمک چھڑک دیں۔ اب استری کو گرم کرکے اس پر رکھ دیں۔ اس سے استری پر لگی کالک صاف ہو جائے گی۔