واشنگٹن: امریکی صدر ڈونلڈ ٹرمپ کا کہنا ہے کہ شمالی کوریا کے صدر کم جونگ اُن سے جلد دوسری ملاقات متوقع ہے ۔

امریکی صدر  نے امریکا اور شمالی کوریا کے درمیان اچھے تعلقات کی نوید بھی سنائی ، جبکہ  نیویارک میں امریکا اور جنوبی کوریا کے درمیان تجارتی معاہدہ بھی ہوا ۔

نیویارک میں انکا کہنا تھا کہ اب امریکا اور شمالی کوریا کے درمیان پہلے جیسی دوریاں نہیں رہیں ، جلد شمالی کوریاکے صدر سے ملاقات کریں گے ۔؎

جنوبی کوریا کے صدر مون جئے اِن سے ملاقات میں دونوں رہنماؤں کے درمیان آزادانہ تجارت کا معاہدہ ہوگیا  ۔  معاہدے سے متعلق امریکی صدر ڈونلڈ ٹرمپ کا کہنا تھا کہ معاہدہ تجارت کی تاریخ میں اہم سنگ میل ثابت ہوگا۔