مشیراطلاعات سندھ مولابخش چانڈیو کہتے ہیں کہ مردم شماری سندھ کیلئے زندگی اورموت کا مسئلہ ہے،پنجاب میں نیب نے کارروائی شروع کی توشورمچ گیا۔وزیراعظم نیب کو دھمکیاں دے رہے ہیں ۔

کراچی میں منعقدہ تقریب سے خطاب کرتے ہوئے مشیراطلاعات سندھ مولابخش چانڈیو کا کہنا تھا کہ مردم شماری سے فرارآئین سے فرارہوگا۔مردم شماری سندھ کیلئے زندگی اورموت کا مسئلہ ہے۔

صوبائی مشیراطلاعات نے کہاکہ کل جماعتی کانفرنس میں سب جماعتوں کوشرکت کی دعوت دی،سیاسی اتفاق مردم شماری کے عمل کو شفاف بنائے گا۔انہوں نے کہا کہ اردوبولنے والے مہاجرنہیں سندھی ہیں۔

مولابخش چانڈیونے کہا کہ پنجاب میں نیب نے کارروائی شروع کی توشورمچ گیا۔اب حکومت نیب کا احتساب کرنے جارہی ہے۔وزیراعظم اب نیب کو دھمکیاں دے رہے ہیں۔شریف برادران کو معمولی سی بھی تکلیف ہوتواداروں کا حلیہ بگاڑ دیتے ہیں۔