پشاور:خیبرپختونخوا کے مختلف علاقوں میں سرچ اینڈ اسٹرائیک آپریشن کا سلسلہ جاری ہے۔ پشاور اور مالا کنڈ ریجن اور نوشہرہ میں کارروائی کے دوران چالیس سے زائد دہشتگرد گرفتار کرلئے گئے۔ تخت نصرتی میں نامعلوم مسلح افراد کی فائرنگ سے دو افراد جاں بحق ہو گئے۔

پشاور کے علاقے حیات آباد کے مختلف علاقوں میں پولیس نے جرائم پیشہ افراد کے خلاف سرچ اینڈ سٹرائیک آپریشن کر تے ہو ئے غیر قانونی طور پر مقیم اٹھارہ افغان باشندوں سمیت انتالیس مشتبہ افراد کو گرفتار کرلیا۔

نوشہرہ تھانہ کینٹ اور قلعہ کے حدود میں بھی پولیس نے سرچ اینڈ اسٹرئیک آپریشن کرتے ہوئے غیر قانونی طور پر مقیم افغان باشندوں سمیت متعدد جرائم پیشہ افراد کو گرفتارکرکے منشیات اور اسلحہ برآمد کرلیا۔

محکمہ انسداد دہشت گردی مالاکنڈ ریجن نے سوات کے علاقے نوے کلی میں کارروائی کے دوران دہشت گرد خورشید کو حرا ست میں لے لیا۔ملزم دو ہزار آٹھ میں سربانڈہ کے قریب سیکیورٹی فورسز پر ریموٹ کنٹرول بم حملے میں ملوث تھا۔کرک کے علاقے تخت نصرتی میں نامعلوم مسلح افراد کی فائرنگ سے دو افراد جاں بحق ہو گئے۔