اسلام آباد:پنجاب اسمبلی سے منظورہونے والا تحفظ خواتین بل سپریم کورٹ میں چیلنج کردیا گیا ہے۔

درخواست گزارمحمود اخترنقوی نے موقف اختیارکیا ہے کہ تحفظ خواتین بل قرآن پاک اورآئین کے خلاف ہے،اراکین صوبائی اسمبلی ایسا بل منظورکرکے قرانی احکامات کے منکر ہوئے ہیں اورآئین کے تحت قرآن وسنت کے خلاف کوئی قانون نہیں بنایا جاسکتا۔

تحفظ خواتین بل آئین اورقرآن کی خلاف ورزی ہے،کالعدم قرار دیا جائے،گورنراوربل کے حق میں ووٹ دینے والے اراکین صوبائی اسمبلی کونا اہل قراردیا جائے،درخواست میں وزیراعظم،گورنر،اراکین پنجاب اسمبلی اور دیگر کوفریق بنایا گیا ہے۔