لاہور:پنجاب کے بڑے نجی تعلیمی ادارے آج سے کھل گئے ہیں۔ اسکول مالکان مانے تو فکرمند والدین کو سکون میسر آیا۔صدر آل پاکستان پرائیویٹ سکولز فیڈریشن کاشف مرزا کہتے ہیں طلبہ کے مستقبل کے لیے فیصلہ تبدیل کرکے ہڑتال موخر کی ہے۔

گزشتہ روز لاہور میں پریس کانفرنس کرتے ہوئے آل پاکستان پرائیویٹ اسکولز فیڈریشن کے صدر کاشف مرزا کا کہنا تھا کہ حکومت کے مثبت رویہ دکھانے پر سکولز مالکان نے وسیع تر مفادات میں ہڑتال کا فیصلہ واپس لے لیا ہے،آج سے تمام بڑے سکولز کی برانچز کھول دی گئی ہیں۔

کاشف مرزا نے مزید کہا کہ گورنر پنجاب کی مذاکرات کی دعوت کا خیر مقدم کرتے ہیں لیکن اگر مذاکرات بامقصد نہ ہوئے تو آئندہ ہفتے لائحہ عمل کے لیے اجلاس طلب کرلیا جائے گا۔ انہوں نے مزید کہا کہ پنجاب اسمبلی کے ایجوکیشن بل دوہزار سولہ کو کبھی تسلیم نہیں کیا جاسکتا، ا ا اسکولز مالکان خسارے میں جاکر تعلیمی عمل جاری نہیں رکھ سکتے،حکومت فوری طور پر اس متنازعہ بل کو واپس لے۔