وفاقی وزیر ریلوے شیخ رشید نے کہا ہے کہ عمران خان ہر صورت میں پانچ سال پورے کریں گے۔ نواز شریف اقتدارمیں شہباز شریف کی وجہ سے آئے۔

پشاور میں پریس کانفرنس کرتے ہوئے وفاقی وزیر شیخ رشید نے کہا کہ آرمی ایکٹ مین ترمیم وقت کی ضرورت ہے۔ اپوزیشن پہلے اس میں ساتھ نہیں دےرہی تھی تاہم پھر اپوزیشن نے تعویزوں نے کام کردیا۔

ان کا کہنا تھا کہ شہباز شریف ان کے پارٹی سے ہیں اورشہبازشریف ہی کی وجہ سے نواز شریف پہلے بھی اقتدار میں آئے اور اب بھی اس کی وجہ سے نواز شریف کواسپیس مل رہی ہے۔

حریم شاہ سےمتعلق سوال پر شیخ رشید نے کہا کہ چھوٹے لوگوں کی باتیں نہ کریں اسی طرح پھر لوگ سر پر چڑھتے ہیں۔

شیخ رشید نے بتایا کہ شہریت ایکٹ کےخلاف بھارت میں لوگ احتجاج پرہیں اورپاکستان کی ذمہ دارایاں اب مزید بڑھے گے۔

وفاقی وزیر شیخ رشید احمد کا کہنا تھا کہ وزیراعظم کل نوشہرہ میں نئے ڈرائی پورٹ کا افتتاح کر رہے ہیں ڈرائی پورٹ 51 کروڑ روپے سے مکمل کیا گیا ہے۔

ان کا کہنا تھا کہ احتساب عمران خان کا اصل ایجنڈا ہے اور مارچ کے بعد احتساب کا عمل مزید بہترہوگا۔