بھارتی آرمی چیف منوج نروان نے ایک اور گیدڑ بھپکی دی ہے اور اور کہا ہے کہ  اگر بھارتی  حکومت آزاد کشمیر کا کنٹرول حاصل کرنے کے احکامات دیتی ہے تو بھارتی فوج اس حوالے سے اقدامات کریگی۔

انڈین آرمی ڈے سے قبل ایک نیوز کانفرنس سے خطاب کرتے ہوئے بھارتی آرمی چیف  نے دعوی کیا کہ چینی اور پاکستانی فوج کے سینئر کمانڈر کی جانب سے ممکنہ طور پر ہاٹ لائن کی تشکیل کا بھی خدشہ ظاہر کیا اورکہاکہ  یہ قدم وہ اپنی سرحدوں پر امن  اور استحکام کیلئے لے سکتے ہیں ۔

بھارتی آرمی چیف  نے یہ بھڑک بھی ماری  کہ پورے  جموں اور کشمیر سے متعلق بھارتی پارلیمان کی قرار داد موجود ہے اور اگر بھارتی پارلیمان آزاد کشمیر کا  کنٹرول بھی حاصل کرنے کا کہتی ہے تو ہم لوگ اسکے لئے بھی اقدامات کریں گے اور مناسب کارروائی اس حوالے سے کی جائیگی۔