وزیر اطلاعات سندھ سعید غنی نے آٹے کی بحران کی زمہ داری سندھ حکومت پر ڈالنے والوں سے سوال کیا ہے کہ دیگر صوبوں میں آٹے کی قیمت کیوں بڑھ رہی ہے؟انہوں بحران پر وزیر اعظم سے نااہلی پر قوم سے معافی مانگنے اوراستعفیٰ کامطالبہ کردیا۔

وزیر اطلاعات و محنت سندھ سعید غنی نے کہا ہے کہ موجودہ آٹے کا بحران وفاقی حکومت کی نااہلی کا منہ بو لتا ثبوت ہے۔ وفاقی حکومت عوام کے مسائل حل کرنے میں ناکام ہوگئی ہے۔

 اتوار کو اپنے جاری ایک بیان میں سعید غنی نے کہا کہ سندھ میں آٹے کے  بحران کی وجہ ٹرانسپورٹرز کی ہڑتال تھی جو دس روز تک جاری رہی جس کی وجہ سے جو 3 لاکھ ٹن گندم بلوچستان اور پنجاب سے اٹھانی تھی وہ نا اٹھ سکی اب جب ہرتال ختم ہوگئی ہے تو آج 70 ہزار بوریاں ہم تک پہنچ گئی ہیں۔

 پنجاب میں جاری بحران پر وزیر اطلاعات سندھ کا کہنا تھا کہ پنجاب حکومت نے 8 لاکھ ٹن گندم فیڈ بنانے والی کمپنیوں کو دی ہے جو کہ اصل بحران کی وجہ ہے۔

سعید غنی نے اپنے بیان میں مزید کہا کہ وفاقی حکومت جو سندھ میں بحران کا ذمہ دار سندھ حکومت کو ٹھہرا رہی ہے کیا پنجاب میں خیبر پختون خواہ میں گلگت بلتستان میں بھی سندھ حکومت ہے ؟؟