ڈیووس:وزیراعظم عمران خان آج ورلڈ اکنامک فورم سے خطاب کریں گے، معاشی اصلاحات ، سرمایہ کار دوست پالیسیوں سمیت دیگر اقدامات سے آگاہ کریں گے۔

وزیراعظم عمران خان کی ورلڈ اکنامک فورم میں ملاقات کا سلسلہ جاری  ہے،وزیراعظم نے ڈیووس میں آذربائیجان کے صدر الہام الیوف اور سنگا پور کے ہم منصب لی سیان لونگ سےالگ الگ ملاقاتیں کیں۔

 صدر آذربائیجان سے ملاقات میں باہمی اعتماد،بھائی چارے پر مبنی دوطرفہ تعلقات کے تمام پہلووں پر گفتگو کی گئی۔

وزیراعظم نے کشمیر کی سنگین صورتحال سے آگاہ کرتے ہوئے کہا کہ بھارتی حکومت نے 5 اگست کو یکطرفہ اور غیرقانونی اقدام کرتے ہوئے غیرانسانی لاک ڈون کیا، جو تاحال جاری ہے۔

صدرالہام علیوف نےوزیراعظم عمران خان کو دورہ آذربائیجان کی بھی دعوت دی ۔

 وزیراعظم عمران خان سنگاپور کے ہم منصب لی سیان لونگ سے بھی ملے، جس میں تجارت اورسرمایہ کاری میں اضافے اور دوطرفہ تعلقات کو مزید گہرا کرنے کی خواہش کا اظہار کیا ۔

 وزیر اعظم عمران خان آج ساڑھے 7 بجےعالمی اقتصادی فورم سے خطاب بھی کریں گے،جس میں وزیر اعظم ملک کی معیشت کی بہتری کے اقدامات پر روشنی ڈالیں گے، پاکستان میں سرمایہ کاری کے مواقع اور سرمایہ کاردوست پالیسیوں سے متعلق بھی بتائیں گے۔