اسلام آباد:آج سہ پہر 3بجے ہونے والے سینیٹ اجلاس کے لیے 30 نکاتی ایجنڈہ جاری کردیا گیا،اجلاس میں مختلف بلز، قراردادیں اور تحاریک کے علاوہ کچھ قائمہ کمیٹیوں کی رپورٹس پیش کی جائیں گی۔

 سینیٹ اجلاس آج سہ پہر 3بجے ہوگا، اجلاس کے لیے 30 نکاتی جاری کردیا گیا،اجلاس میں مختلف بلز، تحاریک اور قراردادیں شامل ہیں۔

سینیٹر جاوید عباسی کانسٹیٹیوشن آف دی اسلامک ریپبلک آف پاکستان ترمیمی بل 2019 پیش کریں گے۔

سینیٹر قراہ العین مری میٹرنیٹی اینڈ پیٹرنیٹی بل 2018 پیش کریں گی جبکہ سینیٹر عائشہ رضا فاروقی اسلام آباد کمپلسری وکیشن اینڈ پروٹیکشن آف ہیلتھ ورکرز بل 2019 پیش کریں گی۔

سینیٹر نصیب اللہ بازائی کانسٹیٹیوشن آف دی ری پبلک آف پاکستان بل 2018 واپس لیں گے۔

پولیو کیسز کے حوالے سے ڈبلیو ایچ او کی رپورٹ، چھ ماہ کے دوران ایف بی آر کی کارکردگی اور فارن ڈائریکٹ انوسٹمنٹ میں کمی کے حوالے سے تحاریک بھی شامل ہیں جبکہ اسلام آباد میں بچوں کے اغوا اور زیادتی، مڈل ایسٹ میں سیکیورٹی چیلنجز کے حوالے سے تحاریک بھی ایجنڈے کا حصہ ہیں۔

نشان حیدر حاصل کرنے والوں کو تعلیمی نصاب میں شامل کرنا اور معذور بچوں کے حوالے سے قراردادیں بھی پیش کی جائیں گی۔

سردیوں میں ہونے والے والے زکام کے حوالے سے اسپتالوں کے انتظامات سے متعلق قرارداد بھی ایجنڈے میں شامل ہیں،  راحیلہ مگسی اپنی متعلقہ قائمہ کمیٹی کی رپورٹ پیش کریں گی۔