وزیرِاعظم  عمران خان اورممبران صوبائی اسمبلی خیبرپختونخواہ عاطف خان اورشہرام خان تراکئی کے درمیان ملاقات ہوئی۔سابق صوبائی وزراء نے بتایا کہ وزیراعلیٰ محمود خان کے خلاف کوئی سازش نہیں کی۔وزیراعظم نے کہا کہ پارٹی ڈسپلن کوہرقیمت پرملحوظ خاطررکھا جائے گا۔

وزیرِاعظم عمران خان سے ممبران صوبائی اسمبلی خیبرپختونخوا عاطف خان اورشہرام خان تراکئی نے وزیراعظم آفس میں ملاقات کی۔

صوبائی وزراتوں سے برطرفی کے بعد دونوں ارکان صوبائی اسمبلی نے وزیراعظم سے پہلی ملاقات ہے ۔

دونوں ممبران اسمبلی نے صوبائی معاملات اوروزیراعلیٰ کے پی سے اختلافات کی تفصیل بتائی۔

ذرائع  کے مطابق برطرف صوبائی وزراء نے وزیراعظم عمران خان کی قیادت پرمکمل اعتماد کا اظہارکیا۔

برطرف وزراء نے موقف اپنایا ہے کہ صوبے کے عوام کی خدمت کرتے رہیں گے، پی ٹی آئی کے ساتھ ہیں اوررہیں گے ۔وزیراعلیٰ محمود خان کے خلاف کوئی سازش نہیں کی۔

ذرائع نے بتایا کہ وزیراعظم نے کہا کہ پارٹی ڈسپلن کو ہرقیمت پرملحوظ خاطررکھا جائے گا۔