وزیراعظم عمران خان نے کہا ہے کہ سندھ میں ایسا آئی جی تعینات کریں گے جو سیاسی مقاصد کے لیے استعمال نہ ہو۔

پارٹی رہنماؤں کے اجلاس میں وزیراعظم نے کہا کہ سندھ میں جھوٹے کیسز کے حوالے سے رپورٹس موصول ہوئی تھیں۔ اس لئے غیر سیاسی آئی جی سندھ کی تعیناتی کا فیصلہ کیا ہے۔

اجلاس میں وزیراعظم نے یہ بھی کہا کہ اتحادیوں سے کیے گئے وعدے پورے کیے جائیں گے۔ اجلاس میں مہنگائی، گورننس اور صوبائی حکومتوں کے معاملات پر بھی مشاورت کی گئی۔