کراچی :وفاقی وزیرریلوے  شیخ رشید نے کہا ہے کہ کےسی آرمنصوبے پرسندھ حکومت سے بات کریں گے ، ایم کیو ایم کا نہیں معلوم، مراد علی شاہ سےملنےکراچی آیا ہوں، وزیراعلیٰ سندھ سے کل ملاقات کروں گا ،سپریم کورٹ نے 12فروری تک کی مہلت دی ہے۔

 ریلوے کیمپ آفس کراچی میں پریس کانفرنس کرتے ہوئے وزیرریلوے شیخ رشید کا کہنا تھا کہ کےسی آر سندھ حکومت کا منصوبہ ہے، ریلوے کی قیمتی زمینیں  خالی کرانے کا فیصلہ کیا ہے، ہم اپنی زمین سندھ حکومت کو دینے کے لیے  تیار ہیں، کےسی آرمنصوبہ پرسندھ حکومت سے بات چیت کریں گے۔

 وزیرریلوے کا کہنا تھا کہ افغان ٹریڈ کے لیے ٹرین سروس کا آغاز کرنےجارہے ہیں، ٹرین چلنے سے اسمگلنگ کی روک تھام میں مدد ملے گی،حیدرآباد ورک شاپ کواپ گریڈ کرنےکافیصلہ کیاہے،سپریم کورٹ نےریلوےسےبزنس پلان مانگاہے۔

شیخ رشید نے مزید کہا کہ کراچی ریلوے کی شہ رگ ہے، اسے نظرانداز کیا گیا، راولپنڈی میں 2یونیورسٹیز بنائی ہیں، سندھ میں ریلوےکی یونیورسٹی بنانے کے لیے پیسےنہیں ہیں،ایم ایل ون کےتحت کراچی میں  یونیورسٹی بنائیں گے۔

وزیرریلوے کا کہنا تھا کہ ایم کیو ایم کا نہیں معلوم، مراد علی شاہ سےملنے کراچی آیا ہوں ، کل وزیراعلیٰ سندھ سے کل ملاقات کروں گا۔

وزیرریلوے شیخ رشید نے کہا کہ ٹی ایل اے کے ملازمین کی بھرتیوں کا معاملہ عدالت میں ہے،ایم ایل ون ریلوے کی ترقی کا راز ہے،ایم ایل ون سے ایک لاکھ افراد کو روزگارملےگا،تیزگام حادثے کی تحقیقات ابھی جاری ہیں۔

شیخ رشید نے مزید کہا کہ ریلوےکا4ارب خسارہ ختم کیا،6ارب کاخسارہ مزید ختم کریں گے،حکومت سے کہا ہے ریلوے کی پنشن اپنے ذمہ لے لے،ریلوےمیں مسافر زیادہ اور  وسائل کم ہیں، محکمےکی بہترین کےلیےکرائے میں اضافہ کیا ہے۔

 وزیر ریلوے کا کہنا تھا کورونا وائرس پاکستان کی معیشت کے لیے بڑا  امتحان ہے، متعلقہ محکمے کورونا وائرس کا مسئلہ دیکھ رہے ہیں۔