لاہور:وزیر اطلاعات پنجاب فیاض الحسن چوہان نے کہا ہے کہ کہ بیگم صفدر اعوان کو بچانے کے لیے شریف خاندان نت نئی تاویلیں پیش کررہا ہے،نواز شریف کا اصل مسئلہ بیماری نہیں، اپنے خاندان کو احتساب سے بچانا ہے،حکومت آل شریف کی شاہی خواہشات کا مزید احترام نہیں کرسکتی۔

لاہور سے جاری بیان میں وزیراطلاعات پنجاب فیاض الحسن چوہان نے کہا کہ بیگم صفدر اعوان کی غیر موجودگی میں نواز شریف کی علاج نہ کروانے کی ضد ڈرامے بازی ہے،بیگم صفدر اعوان مجرم ہیں، انہیں باہر جانے کی اجازت نہیں دی جاسکتی۔

فیاض الحسن چوہان کا کہنا تھا کہ عدلیہ اور حکومت نے ڈاکٹر عدنان اور مریم اورنگزیب کے واویلے کے بعد انسانی بنیادوں پر نواز شریف کو علاج کے لیے لندن جانے کی اجازت دی تھی،اب عدالتیں انہیں پکار رہی ہیں لیکن یہ بھائی، بیٹوں، سمدھی اور سارے خاندان سمیت لندن میں بیٹھے مزے کر رہے ہیں۔

وزیر اطلاعات کا کہنا تھا کہ کوٹ لکھپت جیل میں بیگم صفدر اعوان کی آمد کے بعد نواز شریف کی طبیعت مزید بگڑ جاتی تھی، ایسے میں ان کا لندن نہ جانا ہی نواز شریف کے لیے بہتر ہے۔