حفر الباطن:وزیراعظم نوازشریف اور آرمی چیف جنرل راحیل شریف نے سعودی عرب میں ہونیوالی دنیا کی سب سے بڑی فوجی مشقوں کی اختتامی تقریب میں شرکت کی۔

سعودی عرب کے شہر حفر الباطن میں ہونیوالی جنگی مشقوں میں پاکستان سمیت اکیس ممالک کی افواج حصہ لے رہی ہیں،وزیراعظم نوازشریف اور آرمی چیف جنرل راحیل شریف نے فوجی مشقوں کی اختتامی تقریب میں شرکت کی اور فوجیوں کی عسکری صلاحیتوں کا جائزہ لیا۔

آئی ایس پی آر کے مطابق جنگی مشقوں میں سعودی اورپاکستانی قیادت کے علاوہ دیگر ممالک کے سربراہان اور رہنما بھی شریک تھے۔نارتھ تھنڈر نامی مشقیں اسلامی فوجی اتحاد اور دنیا کی سب سے بڑی مشقیں ہیں۔ان مشقوں کا ایک بنیادی مقصد خطے کے استحکام ، امن کے قیام سمیت دیگرعسکریت پسند گروپوں سے نمٹنے کیلئے متحد ہو کر موثر کارروائیاں کرنا ہے۔