حکومت نے ق لیگ کیساتھ مذاکرات کرنے والی ٹیم میں وزیردفاع پرویزخٹک کوبھی شامل کرنے کا فیصلہ کیا ہے۔ حکومتی ٹیم اورمسلم لیگ ق کے مذاکرات کل لاہور میں ہونگے۔

ذرائع کے مطابق حکومت نے مسلم لیگ ق سے مذاکرات کرنے والی ٹیم میں پرویزخٹک کوبھی شامل کرنے کا فیصلہ کرلیا ہے ۔ پرویزخٹک مذاکراتی کمیٹیوں کے مرکزی چیئرمین بھی ہیں۔مذاکراتی نشست میں وفاقی وزیراسدعمر بھی شریک ہوں گے ۔حکومت کی پنجاب کمیٹی کے اراکین کی تجویزتھی کہ وفاقی رہنما بھی کمیٹی میں شریک ہوں۔ پی ٹی آئی کی پنجاب کی مذاکراتی کمیٹی میں گورنرچوہدری سرور ،وزیراعلی عثمان بزداراوروفاقی وزیرشفقت محمود شامل ہیں۔

پنجاب کے اراکین کا موقف ہے کہ مسلم لیگ ق سے جوبھی بات چیت ہو ۔حکومتی جماعت کی مرکزی قیادت کو بھی اس کا علم ہوناچاہیئے۔

وفاقی وزیرمنصوبہ بندی اسد عمرکوکمیٹی میں اس لئے شامل کیا گیا تاکہ فنڈزکے حصول میں آسانی رہے۔

حکومتی کمیٹی نےمسلم لیگ ق سے طے شدہ معاملات پرعملد رآمد کی سفارش کردی ۔جبکہ حکومتی ٹیم اورمسلم لیگ ق میں باضابطہ رابطہ ہوا ہے۔