وزیراعلی سندھ کہنا ہے کہ بلاول بھٹو زرداری نیب میں پیش ہوکر جھوٹے اور من گھڑت الزامات کا جواب دینگے۔ سندھ حکومت عدالت کے ہرحکم کی تعمیل کریگی۔تجاوزات بالکل منظورنہیں لیکن غریبوں کے سرسے چھت نہیں چھینی جاسکتی۔

  وزیر اعلی مراد علی شاہ نے سندھ کمیشن فار اسٹیٹس آف وومین کے پروگرام میں شرکت کے بعد میڈیا سے گفتگو کرتے ہوئے کہا کہ بلاول بھٹوزرداری جمعرات کو نیب میں پیش ہوں گے اورمن گھڑت کیسوں کا جواب دیں گے۔

  آئی جی کی تبدیلی کے معاملے پروزیراعلیٰ کا کہنا تھا کہ وفاقی حکومت آئی جی سندھ کی تبدیلی پر رضامند ہے۔ امید ہے کہ ہمارے تجویز کردہ ناموں سے نیا آئے جی تعینات کیا جائے گا۔

 اسکولوں میں اضافی فیس لینے کے معاملے پر انکا کہنا تھا کہ وزیر تعلیم سعید غنی کو وزرات لئے ہوئے ایک ہفتہ ہی ہوا ہے وہ تعلیم کے شعبے میں تمام مسائل کا جلد حل کریں گے۔