اسلام آباد: وزیرخارجہ شاہ محمود کا کہنا ہے کہ افغانستان کے داخلی معاملات میں مداخلت نہیں چاہتے، امیدہےافغان صدرافہام وتفہیم سے معاملہ حل کریں گے،افغان عوام امن چاہتے ہیں،اب قیادت کیلئے آزمائشی مرحلہ ہے،امریکا طالبان معاہدے سے انٹرا افغان مذاکرات کا آغاز ہوگا، فریقین کو لچک دکھانا ضروری ہے ،مذاکرات اور امن مخالف عناصر موجود ہیں ان پر نظر رکھنا ہوگی۔

اسلام آباد میں پریس کانفرنس کرتے ہوئے وزیرخارجہ شاہ محمودقریشی نے کہا کہ کل امریکا اورطالبان میں امن معاہدےپردستخط ہوئے،50سےزائدممالک کےنمائندےتقریب میں شریک تھے،طالبان اور امریکی حکام مبارکباد کے مستحق ہیں،معاہدےسےانٹراافغان مذاکرات کاآغاز ہوگا،معاہدےسے مذاکرات کیلئےماحول سازگاربنے گا۔

وزیرخارجہ نے کہا کہ افغانوں نےطویل جنگ دیکھی ہے،وہ اب امن چاہتے ہیں،کیا افغان قیادت آگے بڑھنے کیلئے تیار ہے،فریقین کوایک دوسرےکانقطہ نظرسمجھنے کیلئےلچک دکھاناہوگی،کیاطالبان کےالقاعدہ سےرابطے منقطع ہوں گے،دنیامطمئن ہوگی،طالبان نےپرتشددواقعات رکوانےمیں امن کرداراداکیا ،کیاافغان لیڈرشپ سیاسی روڈمیپ کیلئے آمادہ ہوگی؟۔

شاہ محمود قریشی کا مزید کہنا تھا کہ افغانستان کے فیصلےافغانوں نے کرنے ہیں،عوام امن چاہتے ہیں،قیادت کیلئے آزمائش کا مرحلہ ہے،افغان امن کیلئے پاکستان کے کردار کودنیانےسراہا،امن کیلئےپاکستان کی کاوشوں کی تعریف کی گئی،نقطہ چینی کرنے والے کل پاکستان کی تعریف کررہے تھے۔

وزیرخارجہ نے کہا کہ امریکی سیکرٹری خارجہ سے ملاقات ہوئی،امریکی سیکرٹری خارجہ کے سامنے چند نکات رکھے،شرپسندعناصرپرکڑی نظررکھنی ہوگی،منفی کرداراداکرنےوالوں کوروکنےکیلئےمیکنیزم بناناہوگا،امن معاہدےسےامید پیداہوئی،اس امیدکوبرقراررہناچاہیئے۔

شاہ محمود قریشی کا کہنا تھا کہ قیدیوں کی رہائی سےمزیدپیشرفت ہوگی،مہینوں کی جدوجہدکےبعدکل معاہدہ ہوا،افغانستان کے داخلی معاملات میں مداخلت نہیں چاہتے،افغانستان میں سیاسی عمل کومستحکم بنانا ہوگا،افغانستان کی تعمیر وترقی کیلئے دنیا کو کردارادا کرنا ہوگا،مشرق وسطیٰ کےوزرائےخارجہ سے بھی ملاقاتیں ہوئیں،امن کو فائدہ مند بنانے کی تجاویزپرغورکیاگیا۔

پریس کانفرنس میں وزیرخارجہ شاہ محمود قریشی نے مزید کہاکہ سیکرٹری جنرل ای سی او سے بھی ملاقات ہوئی ،خطےکےمعاشی استحکام سےمتعلق بات چیت ہوئی،ترک وزیرخارجہ کے ساتھ بھی ملاقات ہوئی،امن عمل کو بڑھانےکیلئےہرممکن کردار ادا کرتےرہیں گے،طالبان اورافغان حکومت کے پاس ایک دوسرےکےقیدی ہیں،امیدہےافغان صدرافہام وتفہیم سے معاملہ حل کریں گے۔