برطانوی شہزادی لیڈی ڈیانا کی بہن لیڈی سارا اسپنسر کے ساتھ شہزادہ چارلس سے خفیہ معاشقہ رہا مگر سارا نے شادی سے انکار کردیا تھا۔

اُس وقت جب شہزادہ چارلس کو شریک حیات کی تلاش کے لیے بڑھتے ہوئے دباؤ کا سامنا تھا، 1977ء میں انہوں نے لیڈی سارا سے ملاقات کی، اُسی سال وہ لیڈی ڈیانا سے ملے۔

برطانوی اخبار کی رپورٹ کے مطابق پرنس چارلس اور سارا خفیہ طور پر ایک دوسرے سے ملتے رہے، شہزاد چارلس سوئس اسکی ریزورٹ گئے تو سارا بھی ساتھ تھیں، ریزورٹ پر لیڈی سارا کا ایک صحافی سے بات کرنا چارلس کو پسند نہ آیا، جس کے بعد یہ تعلق اچانک ختم ہوگیا۔

سن 1981ء میں پرنس چارلز سے شادی کے بعد لیڈی ڈیانا پرنسس آف ویلز بن گئیں جبکہ لیڈی سارا نے نیل مک کورکوڈیل سے شادی کرلی۔

جبکہ 1997ء میں ہونے والے پیرس کار حادثے میں لیڈی ڈیانا کی موت کے بعد پرنس چارلس نے کمیلا پارکر سے شادی کرلی تھی۔