پیرس: عالمی شہرت یافتہ اور لیجنڈ افریقی جیز گلوکار مینو دیبینگو 86 برس کی عمر میں چل بسے، ان کی ہلاکت عالمی وباء کورونا وائرس سے ہوئی۔

غیرملکی میڈیا رپورٹس کے مطابق منگل کے روز مینو دیبینگو کا انتقال ہوا، اُن کا تعلق فرانس سے تھا اور ان کی عمر 86 برس تھی۔ دیبینگو کورونا وائرس سے ہلاک ہونے والے عالمی شہرت یافتہ اسٹارز میں سے ایک ہیں۔

واضح رہے کہ کورونا وائرس سے اب تک دنیا بھر میں ہلاکتوں کی تعداد 19 ہزار 700 سے تجاوز کرگئی ہے جبکہ اس مہلک وائرس سے متاثرہ مریضوں کی تعداد بھی 4 لاکھ 45 ہزار سے زائد ہے۔

پاکستان میں اب تک 1022 مریضوں میں کورونا وائرس کی تصدیق ہوچکی ہے۔ اب تک ملک بھر میں 8 افراد ہلاک اور 21 افراد صحتیاب ہوچکے ہیں۔