بطور وزیر اعلیٰ جنگ اور جیو نیوز کے مالک میر شکیل الرحمان کو مبینہ طور پر غیر قانونی 54 پلاٹ الاٹ کرنے کے الزام کی تحقیقات کیلئے نیب لاہور نے نوازشریف کو طلبی کا نوٹس لندن بھجوا دیا۔

 میر شکیل الرحمن غیر قانونی اراضی الاٹمنٹ کیس میں نیب لاہور نے سابق وزیر اعظم نواز شریف کو 31 مارچ کی طلبی کا نوٹس لندن بجھوا دیا۔

-17 اے ایون فیلڈ اپارٹمنٹس لندن کے پتے پر بھجوائے گئے نیب لاہور کے نوٹس میں نیب نے نواز شریف کو 31 مارچ کی صبح 11 بجے جوائنٹ انویسٹیگیشن ٹیم کے روبرو پیش ہونے کی ہدایت کی گئی ہے۔

نیب لاہور نے اس کیس میں میاں نواز شریف کو 20 مارچ کو بھی طلب کیا تھا لیکن نواز شریف یا ان کا کوئی وکیل نیب لاہور میں پیش نہیں ہوا۔

میاں نواز شریف پر الزام ہے کہ 1986 میں بطور وزیر اعلی انہوں نے میر شکیل کو 54 کنال اراضی غیرقانونی الاٹ کی تھی۔