ملالہ یوسفزئی نے اپنے بالوں کو خود کاٹنے کا تجربہ کیا ہے جسے معروف امریکی ہیر اسٹائلسٹ اور ملالہ کے مداحوں نے خاصا پسند کیا ہے۔

ملالہ یوسفزئی نے پیر کو اپنی انسٹاگرام پوسٹ میں امریکی ہیر اسٹائلسٹ جوناتھن وین نیس کو مخاطب کرتے ہوئے انہیں قرنطینہ کے دوران کچھ نہ کرنے کی انہی کی نصیحت یاد دلائی، لیکن ساتھ ہی شرارتی لہجے میں یہ بھی لکھا کہ وہ ان کی نصیحت کے برخلاف یہ کام (ہیئر کٹنگ) کر چکی ہیں۔

ملالہ نے لکھا 'جوناتھن وین نیس نے کہا تھا کہ قرنطینہ کے دوران اپنے ساتھ نت نئے تجربے نہ کریں لیکن میں نے اپنے بال سامنے سے خود کاٹ دیے ہیں۔ کیا میں نے بال صیح کاٹے ہیں؟'

View this post on Instagram

Jonathan Van Ness: “Don’t try new lewks during quarantine.” Me: Cuts my own fringe. @jvn - how did I do?

A post shared by Malala (@malala) on Mar 28, 2020 at 7:55am PDT

جوناتھن نے ملالہ کے ہیر اسٹائل کو پسند کرتے ہوئے جواب میں لکھا 'آپ نے مجھے متاثر کر دیا ہے۔'

ملالہ یوسفزئی کی پوسٹ کو ہزاروں لوگوں نے پسند کیا ہے اور کہا ہے انہوں نے بہت اچھے بال کاٹے ہیں۔

یاد رہے کہ ملالہ گھر پر خود کو احتیاط کے طور پر قرنطینہ کیے ہوئے ہیں اور چند روز قبل انہوں نے بال کاٹنے سے پہلے اپنی انسٹاگرام پوسٹ میں لکھا تھا کہ وہ باہر جانے اور دوستوں کو ملنے کو مِس کر رہی ہیں۔

انہوں نے یہ بھی لکھا تھا کہ 'مجھے معلوم ہے بہت سے طلبہ اسکول جانا چاہتے ہیں لیکن گھر پر رہ کر پڑھ بھی سکتے اور مزے بھی کر سکتے ہیں۔'

View this post on Instagram

I miss being outside and with my friends. I know a lot of students are missing school today — but you can still be productive and have fun at home! Go to my stories to see what I’ve been up to and tell me how you’re spending your time away from school.

A post shared by Malala (@malala) on Mar 16, 2020 at 3:18pm PDT