پشاور:خیبرپختونخوا میں کورونا وائرس سے متاثرہ افراد کی تعداد 276 ہوگئی جبکہ اب تک 8 اموات بھی واقع ہوئی ہیں۔

  مشیر اطلاعات خیبر پختونخوا اجمل وزیر کے مطابق صوبے میں کورونا سے متاثرہ افراد کی تعداد 276 ہوگئی ہےاور ہلاکتوں کی تعداد 8ہوگئی۔

حکومتی فیصلے کےمطابق صوبے بھر میں لاک ڈاؤن جاری ہے اور تمام تعلیمی ادارے،مارکیٹس،دکانیں ،ریسٹورنٹس،ہوٹلز بند ہیں۔

اسی طرح حکومت خیبرپختونخوا حکومت نے صوبے کی تمام مساجد میں باجماعت نماز ادا کرنے پر بھی پابندی عائد کردی اورصوبے کے تمام سرکاری اسپتالوں کی او پی ڈیز 15 دن کیلئے بند کرنے کا اعلان کردیا ۔

پشاور میں جگہ جگہ پولیس نے ناکہ بندی قائم کررکھی ہے اور شہریوں سے غیرضروری گھروں سے باہر نا نکلنے کی اپیل کی جارہی ہے۔