اسپیکرقومی اسمبلی اسد قیصرکہتے ہیں پارلیمانی کمیٹی کورونا وائرس پرہونےوالی تمام سرگرمیوں پرنظررکھےگی۔جہاں ہی کوتاہی نظرآئےگی کمیٹی ایکشن لے گی اورحکومت کومثبت تجویزدےگی۔ہمارا ملک کرفیوکا متحمل نہیں ہوسکتا۔

اسپیکرقومی اسمبلی اسد قیصرنے اپنے بیان میں  کہا کہ پارلیمانی کمیٹی کورونا وائرس پرہونیوالی تمام سرگرمیوں پر نظر رکھےگی۔جہاں پرکوتاہی نظرآئیگی کمیٹی ایکشن لے گی۔پارلیمانی کمیٹی حکومت کو مثبت تجویز دے گی اورمعاشی مسائل پربھی حکومت اپنی پالیسی پارلیمانی کمیٹی کے سامنے رکھےگی۔محکمہ صحت  چھ اپریل کو ہونے والی پارلیمانی کمیٹی میں بریفنگ دینے کے لئے بلایا ہے۔

 حکومت اوراپوزیشن چلتی رہے گی،موجودہ حالات دنیا کے انوکھے حالات ہیں۔ کورونا وائرس جیسی عالمی وباء سےکوئی گھر محفوظ نہیں۔ دنیا بدل رہی ہے، جنگ عظیم دوم کے بعد دنیا بڑا واقعہ رونما ہورہا۔کورونا وائرس سے نمٹنے کےلئے جنگی بنیادوں پراقدامات اٹھانے کی ضرورت ہے۔ہمارا ملک کرفیوکا متحمل نہیں ہوسکتا۔

انہوں نے کہا وزیراعظم عمران خان کو عام آدمی کی فکر ہے۔اس وقت بہت زیادہ ذمہ دارانہ رویوں کی ضرورت ہے۔ ریلیف فنڈ کی نگرانی،پارلیمانی کمیٹی کو ذمہ داری دینے بارےاپوزیشن کی تجویز اچھی ہے۔ہم نےاس پرکام شروع کیا ہوا ہے۔ جہاں پربھی کوتاہی نظر آئےگی کمیٹی ایکشن لے گی اور حکومت کوتجویزکریں گے۔