چیئرمین اسلامی نظریاتی کونسل ڈاکٹر قبلہ ایاز نے کہا ہے کہ کورونا کی وبا سے مرنے والوں کیلئے لفظ "شہید" یا "جاں بحق" استعمال کیا جائے۔

اہم پریس کانفرنس سے خطاب کرتے ہوئے ڈاکٹر قبلہ ایاز نے کہا کہ کورونا وائرس سے مرنے والوں کیلئے ہلاک کی بجائے شہید یا جاں بحق کا لفظ استعمال کیا جائے، میتوں کو احترام سے دفنائیں اور نماز جنازہ میں لوگوں کو شرکت کی اجازت دی جائے۔

چیئرمین اسلامی نظریاتی کونسل نے کہا کہ مساجد کو کمیونٹی سنٹر قرار دیا جانا چاہیے، تمام لوگ جمعہ کی نماز گھر میں ادا کریں۔

انہوں نے بتایا کونسل نے قرار دیا ہے کورونا کا کسی فرقے سے کوئی تعلق نہیں ہے، لوگ اپنے پیسوں میں سے حکومت کی مدد کریں۔