وزیراعلیٰ پنجاب عثمان بزدار کی زیر صدارت ایل ڈی اے آفس میں اعلی سطح کا اجلاس ہوا۔اجلاس میں ایل ڈی اے کے پراجیکٹس پر پیشرفت اور شہریوں کو زیادہ سے زیادہ سہولتیں فراہم کرنے کے اقدامات اور مستقبل کے لائحہ عمل کا جائزہ لیاگیا۔

اجلاس سے خطاب میں وزیراعلیٰ پنجاب عثمان بزدار نے کہا کہ کورونا وائرس کے پیش نظرایل ڈی اے نے شہریوں کے ذمے ادائیگیوں کو30 اپریل تک موخر کردیا  ہے۔یہ اقدام شہریوں کو ریلیف دینے کےلئے اٹھایا گیا ہے۔

انہوں نے کہا کہ ایل ڈی اے انصاف ویب پورٹل ایپ لانچ کردی گئی ہے۔جس سے شہریوں کو دفاترکے چکر نہیں لگانے پڑیں گے۔

ان کا مزید کہنا تھا کہ فردوس مارکیٹ انڈرپاس کاسنگ بنیاداس ماہ کے آخر میں رکھا جائے گا۔ جس پر دو ارب روپے لاگت آئے گی۔عوام کی فلاح و بہبود کے منصوبوں کو بروقت مکمل کیا جائے گا۔

وزیراعلیٰ پنجاب نے سڑکوں پر روڈز سائن لگانے کے کام کو جلد مکمل کرنے کی ہدایت کی ہے۔