پشاور:خیبرپختونخوا میں کورونا وائرس سے اموات کی تعداد16ہوگئی جبکہ گزشتہ 24گھنٹوں میں مزید33 نئے کیسز بھی رپورٹ ہوئے۔

 محکمہ صحت خیبرپختونخوا کے اعدادوشمار کےمطابق گزشتہ 24گھنٹوں میں کورونا وائرس سے 2اموات ضلع سوات سے رپورٹ ہوئے جس کےساتھ صوبے میں کورونا سے ہلاکتیں 16ہوگئی جبکہ 24 گھنٹوں کے دوران کورونا وائرس کے مزید 33 کیسز سامنے آگئے اور صوبے میں  مصدقہ کیسز کی تعداد بڑھ405 ہوگئی۔

نئے کیسز میں 7پشاور،6نوشہرہ،5ایبٹ آباد،4بونیر سے رپورٹ ہوئے،اسی طرح سوات سے4 ،مردان سے3،کرک،باجوڑ،ہری پور سے ایک ایک کیس رپورٹ ہواجبکہ صوبے میں مشتبہ مریضوں کی تعداد 1211 ہوگئی،صوبے میں اب تک 62 مریض صحتیاب ہوچکے ہیں۔

دوسری جانب بین الاضلائی ٹرانسپورٹ کو 12 اپریل تک معطل کردیا گیا جبکہ مردان کی تحصیل منگا سے 18 دن بعد لاک ڈاون ختم کردیا گیاہے۔

صوبے بھر میں جزوی لاک ڈاؤن جاری اور تمام مارکیٹس،بازار،تعلیمی ادارے اور ہوٹلز بند ہیں جبکہ لاک ڈاؤن کے احکامات پر عملدرآمد کویقینی بنانے کیلئے پولیس اور ایف سی اہلکاروں نے جگہ جگہ ناکہ بندیاں قائم کررکھی ہےمگر اکثر شہری حفاطتی تدابیر کیساتھ ساتھ لاک ڈاؤن کے احکامات کو نظر انداز کرتے نظر آرہے ہیں۔