جہاں عالمی وباء کورونا وائرس کی وجہ سے دنیا بھر میں ہلاکتوں کا سلسلہ جاری ہے وہیں برطانیہ میں مقیم دبئی کے معروف نیوز اینکر رچرڈ کورام بھی اس وباء کا شکار ہوکر ابدی نیند سوگئے۔

غیرملکی میڈیا رپورٹس کے مطابق 66 سالہ پریزینٹر گزشتہ کچھ روز سے کورونا وائرس میں مبتلا تھے اور آج برطانیہ کے ایک اسپتال میں دم توڑ گئے ہیں۔

دبئی کے چینل 33 کے رچرڈ کورام نے نہ صرف ٹی وی شوز بلکہ ریڈیو پر بھی پروگرام کی میزبانی کی اور 80 کی دہائی میں خوب عروج حاصل کیا۔

واضح رہے کہ عالمی وباء کورونا وائرس سے اب تک دنیا بھر میں 14 لاکھ 70 ہزار کے قریب افراد متاثر جبکہ 85 ہزار سے زائد افراد انتقال کرچکے ہیں۔