وزیراعلیٰ سندھ مراد علی شاہ نے کہہ دیا کہ کورونا کیسز پر قابو پانے کےلئے لاک ڈاؤن ناگزیر ہے۔ لاک ڈاؤن ختم کیا یا نرمی کی تو نتیجہ کورونا کیسز میں اضافے کی صورت میں نکلے گا۔ حتمی فیصلہ وفاقی حکومت کی مشاورت سے ہوگا۔

وزیراعلیٰ سندھ سید مراد علی شاہ کا کہنا تھا کہ لاک ڈاؤن پر مزید سات تک عمل درآمد یقینی بنالیا تو کورونا کیسز کی تعداد میں واضح کمی آئے گی۔

وزیراعلیٰ مراد علی شاہ نےکہاکہ وہ لاک ڈاؤن ختم کےحق میں بالکل بھی نہیں تاہم حتمی فیصلہ وفاقی حکومت کو کرنا ہے۔

وزیراعلیٰ نے کہا کہ تاجر ایکسپورٹ رکنے کا بہانہ کرکے لاک ڈاؤن ختم کرنے کے لئے دباؤ ڈال رہے ہیں۔ انہوں نے کہا کہ میں پوچھتا ہوں اس وقت کون سا ملک آپ کی ایکسپورٹ لے رہا ہے؟

وزیراعلیٰ نے کہا کراچی میں ایک ہی خاندان میں سات کیسز کی تصدیق ان کے خدشات کو سپورٹ کرتی ہے۔

مراد علی شاہ کا کہنا تھا کہ لاک ڈاؤن سے متعلق  سندھ کابینہ سےمشاورت کاعمل جاری ہےتاہم اگر14اپریل کے بعد لاک ڈاؤن میں مخصوص شرائط کے ساتھ اگر نرمی کرنی پڑی تو اس کےلئے کمشنرز اور متعلقہ افسران کو لائحہ عمل بنانے کی ہدایات جاری کردی گئی ہیں۔