بالی ووڈ کنگ شاہ رخ خان کی مشہور فلموں 'چنئی ایکسپریس' اور 'راون' کے پروڈیوسر کریم مورانی بھی عالمی وباء کورونا وائرس کا شکار ہوگئے۔ انہیں علاج کیلئے اسپتال منتقل کردیا گیا ہے۔

بھارتی میڈیا رپورٹس کے مطابق دنیا کے دیگر کئی ممالک کی طرح بھارت میں بھی کورونا وائرس اس وقت بہت تیزی سے پھیل رہا ہے، چند روز قبل بالی ووڈپروڈیوسر کریم مورانی کی 2 بیٹیوں میں اس وائرس کے تصدیق ہوئی تھی جس کے بعد انہوں نے اپنا بھی ٹیسٹ کروایا جو مثبت آگیا۔

کریم مورانی کی ایک بیٹی مارچ کے ہفتے میں سری لنکا جبکہ دوسرے بیٹی مارچ کے دوسرے ہفتے میں راجستھان سے واپس آئی تھیں جس کے بعد اُن کے ٹیسٹ کئے گئے تو کورونا وائرس کی تشخیص ہوئی تھی۔

واضح رہے کہ بھارت میں اب تک 8 ہزار 339 افراد میں کورونا وائرس کی تشخیص ہوچکی ہے جبکہ اس مہلک مرض سے 249 افراد ابدی نیند بھی سوچکے ہیں۔