لاہور:پنجاب بھر کے ڈسٹرکٹ ہیڈکوارٹر اسپتالوں میں صرف 130 وینٹی لیٹرز ہونے کا انکشاف ہوا ہے، کورونا وائرس ازخود نوٹس کیس میں پنجاب حکومت نے رپورٹ سپریم کورٹ میں جمع کرا دی ۔

 پنجاب حکومت کی جانب سے سپریم کورٹ میں جمع کرائی گئی رپورٹ میں بتایا گیا ہے کہ ڈی ایچ کیوز کیلئے مزید 100 وینٹی لیٹرز 11اپریل تک پہنچ جائیں گے، پنجاب کے تمام اسپتالوں میں او پی ڈیز فعال ہیں ،صوبے میں 7لیبارٹریز کی روزانہ 3100 ٹیسٹ کرنے کی صلاحیت ہے،احساس پروگرام کے ذریعے کورونا کے باعث بے روزگاری ہونے والوں کو امداد دی جارہی ہے۔

رپورٹ کے مطابق ، راولپنڈی، بہاولپور، وزیرآباد ، فیصل آباد اور ڈی جی خان میں ٹیسٹ لیبارٹریاں قائم کی جا رہی ہیں،جیلوں میں آنے والے نئے قیدیوں کو 2ہفتے قرنطینہ میں رکھا جاتا ہے جبکہ صوبے بھر کے جیل اسپتالوں میں آئیسولیشن وارڈز قائم کر دیئے گئے ہیں۔