کراچی :سندھ تاجر اتحادنے کل 15 اپریل سے تمام کاروبار کھولنے کا اعلان کر دیا،گرفتاریوں کیلئے بھی تیار ہیں اگر تاجروں اور اسٹاف تنخواہیں حکومت دے گی تو ہم کرفیوکا مطالبہ کرتے ہیں ۔

کراچی میں سندھ کے تاجراتحاد کے چیئرمین جمیل پراچہ ،صدر آل سٹی تاجر اتحاد شرجیل گولانی اور صدر کراچی الیکٹرانکس ڈیلرز ایسوسی ایشن رضوان عرفان نے مشترکہ پریس کانفرنس  کی۔

شرجیل گوپلانی کا کہناتھا کہ  مارکٹیں بند ہوئے 28دن ہوچکے ہیں، کراچی سے کشمور تک کا تاجر بدحال ہے ، چھوٹے تاجر اوران کے ملازم فاقہ کشی پر مجبور ہیں۔ لاکھوں ملازمین کو ایک ماہ کی بمشکل ادا تنخواہ ادا کی ہیں ،اب ملازمین کو نکالنے کے سوا کوئی چارہ نہیں، اب ملازمین کو نکالنے کے سوا کوئی چارہ نہیں، تاجر ایک دوسرے سے پیسے ادھار لینے پر مجبور ہیں۔

جمیل پراچہ کا  کہناتھا کہ کل بروز بدھ 15 اپریل سے تمام کاروبار کھول دیں گے اور دکانیں کورونا کے خلاف احتیاطی تدابیر کو اختیار کر کے کھولیں گے، زبردستی کی صورت میں پھر اپنے ملازمین کو فارغ کرنا پڑے گا۔  لاک ڈاﺅن پر عمل ردآمد نہیں ہو رہا، احتیاط کرنا ہے تو پھر مکمل کرفیو لگائیں۔

رضوان عرفان کا کہناتھاکہ ایسا نہیں ہوسکتا ہے انڈسٹری چلے اور چھوٹے تاجر اپنا کاروبار بند رکھیں۔