وزیراعظم احساس پروگرام کے تحت مالی امداد کی تقسیم کیلئے بائیو میڑک کی تصدیق نہ ہونے پر غریب بزرگ عورتوں اور مردوں نے نادرا آفس کے باہر احتجاج کیا اور وزیراعظم سے مالی امداد کی رقم دلوانے کی اپیل کی۔

 کورونا وائرس سے بچنے کیلئے لاک ڈاون جاری ہے، امدادی رقوم کے حصول کیلئے بائیو میٹرک کی تصدیق نہ ہونے کی وجہ سے غریب خاندان نادرا آفس پہنچ گئے جہاں اسے بند پاکر وہ سراپا احتجاج بن گئے۔

 احتجاج کرنے والوں میں بوڑھے مرد اور خواتین شامل تھیں جو بائیو میڑک کا مسئلہ حل کروا کر بارہ ہزار روپے دلوانے کی فریاد کرتے رہے۔

 مالی امداد نہ ملنے پر مفلس افراد کے چہروں سے پریشانی عیاں تھی۔