حکومت نے توانائی کے شعبے میں کرپشن سے متعلق رپورٹ پبلک کرنے کا فیصلہ کرلیا۔

وفاقی وزیر اسد عمر کہتے ہیں کہ قانون کے مطابق کمیشن آف انکوائری قائم کیا جائے گا۔ شفافیت کو یقینی بنانا حکومت کی اولین ترجیح ہے۔ کسی صورت ذمہ دار افراد کو معاف نہیں کریں گے۔

میڈیا سے بات چیت کرتے ہوئے اسد عمر نے کہا کہ  آئی پی پیزسےمتعلق رپورٹ کابینہ اجلاس میں پیش ہوئی، کابینہ نے رپورٹ پبلک کرنے کا فیصلہ کیا ہے۔

اسدعمر کا کہنا تھا کہ  قانون کےمطابق کمیشن آف انکوائری قائم کیاجائےگا، کمیشن آف انکوائری فرانزک اورمزیدتحقیقات کی مجازہوگی،شفافیت کویقینی بناناحکومت کی اولین ترجیح ہے۔

اسدعمرنے مزید کہا کہ  توانائی کمیٹی کی شفارشات پر غورکیاجارہا ہے، ذمہ دارافراد کو کسی صورت معاف نہیں کیاجائےگا،

ان کا کہنا تھا کہ شفاف اورقانونی انداز میں تحقیقاتی رپورٹ مرتب ہوگی، وزیراعظم نے قوم سےکیا ایک اور وعدہ پورا کردیاہے۔