اسلام آباد : وزیراعظم عمران خان نے کہا ہے کہ ہم نے اپنے بیرون ملک ہیلتھ پروفیشنلز کے لئے یاران وطن لانچ کی ہے جہاں وہ اپنی خدمات پیش کرنے کے لئے خود کوبطوررضاکاررجسٹرکراسکتے ہیں۔

حکومت نے بیرون ملک مقیم پاکستانی طبی ماہرین کی خدمات لینے کیلیے یارانِ وطن کے نام سے پروگرام متعارف کرا دیا ہے، وزیراعظم عمران خان نے سماجی رابطے کی ویب سائٹ‌ ٹوئٹر پر اپنے پیغام میں کہا کہ دنیامیں پاکستانی ہیلتھ پروفیشنلز کورونا کیخلاف فرنٹ لائن پرہیں، پاکستانی ہیلتھ پروفیشنلزکورونا کیخلاف جنگ میں ہماری مدد کرناچاہتے ہیں،ہم نے اپنے ہیلتھ پروفیشنلزکے لیے یاران وطن لانچ کی ہے ، جہاں وہ اپنی خدمات پیش کرنے کے لئے بطوررضا کارخود کو رجسٹرکرا سکتے ہیں۔

Pakistani health professionals are on the frontline in the fight against #COVID19 across the world. They also want to help us combat COVID19 in Pak. We have launched @YaranWatan iniitiative for our overseas health professionals who can now register to volunteer their services. pic.twitter.com/O0MkyDMNDs

— Imran Khan (@ImranKhanPTI) April 25, 2020

گذشتہ روز معاون خصوصی برائے صحت ڈاکٹر ظفر مرزا نے کہا کہ کورونا سے متعلق یاران وطن کے نام سے پروگرام لا رہے ہیں، مشکل وقت میں بیرون ملک پاکستانیوں نے ہمیشہ بڑھ کر حصہ لیا ہے،وزیراعظم ہمیشہ اوورسیز پاکستانیز کے لیے کچھ کرنا چاہتے ہیں، بیرون ملک ہیلتھ پروفیشنل نے رابطہ کیا ہے،بیرون ملک کے ہیلتھ پروفیشنل پاکستانیوں کی مدد کرنا چاہتے ہیں۔

ڈاکٹر ظفر مرزا کا کہنا تھا کہ بیرون پاکستانی ڈاکٹرز، ہیلتھ پروفیشنل نے اپنے آپ کو منظم کیا ہوا ہے،ہیلتھ پروفیشنل کی سب سے زیادہ تعداد امریکا اور انگلینڈ میں ہے،پروگرام اوورسیز پاکستانیوں کے تعاون سے شروع کیا جا رہا ہے۔

معاون خصوصی کا کہنا تھا کہ بیرون ملک وزارت سے مل کر انفارمشین ٹیکنالوجی ویب سائٹ yaraanwatan.gov.pk  بنائی ہے، اس ویب سائٹ پر مختصر معلومات دے کر رجسٹرر کرسکتے ہیں۔

]]> Pakistan https://www.aaj.tv/news/256643 Sat, 25 Apr 2020 09:52:46 +0500 none@none.com (سفیر الہٰی)