راولپنڈی:شمالی وزیرستان میں سیکیورٹی فورسز نے آپریشن کے دوران 9 دہشتگرد وں کو ہلاک  اورایک کو گرفتار کرلیا جبکہ فائرنگ کے تبادلے میں 2جوان شہید اور 5 زخمی بھی ہوئے۔

پاک فوج کے شعبہ تعلقات عامہ (آئی ایس پی آر)کےمطابق،دہشتگردوں کیخلاف سیکیورٹی فورسز کی کارروائیاں جاری  ہیں،شمالی وزیرستان کے علاقوں دوسالی اور خسورہ میں دہشتگردوں کی موجودگی کی خفیہ معلومات پر سیکیورٹی فورسز نے کارروائی کی۔

سیکیورٹی فورسز کی جانب سے گزشتہ رات کئے گئے آپریشن کے دوران 9 دہشتگرد وں کوہلاک  جبکہ ایک کو گرفتار کر لیا گیا۔

آئی ایس پی آر کے مطابق دہشتگردوں کی فائرنگ سے پاک فوج کے 2جوان شہید اور 5زخمی ہوگئے۔

آئی ایس پی آر کے مطابق،شہیدہونےوالوں میں لانس نائیک عبدالوحید اورسپاہی سقم داد  شامل ہیں ،لانس نائیک عبدالوحید کی عمر29 برس اورتعلق مظفرآباد سےتھاجبکہ سپاہی سقم داد کی عمر33برس اور تعلق چھانگلا گلی ایبٹ آباد سےتھا۔

آئی ایس پی آر کا کہنا ہے کہ سرچ آپریشن کے دوران دہشتگردوں کے قبضے سے بھاری تعداد میں اسلحہ اوردھماکا خیز مواد بھی برآمد کرلیا گیا۔