وزیر اطلاعات پنجاب کا کہنا ہے کہ عثمان بزدار نے لاک ڈاؤن میں عوام کی سہولت کو مدنظررکھا، ضرورت کے مطابق کاروبار کی اجازت دی گئی، پھل اور سبزی فروشوں کو لاک ڈاؤن سے استثنا ہیں۔

اپنے بیان میں فیاض الحسن چوہان نے کہا کہ آٹا چکی، تندور، ہوم ڈیلیوری سروسز، فارمیسیز رات آٹھ بجے کے بعد بھی کھلی رہ سکتی ہیں، پولٹری، مچھلی، گوشت اور دودھ کی دکانوں پر صبح نو تا شام پانچ کے اوقاتِ کار لاگو ہوں گے، دودھ دہی کی دکانیں سحری کے اوقات میں بھی صبح دو تا سوا چار کھلی رہیں گی۔

وزیر اطلاعات پنجاب نے کہا کہ عوام کاروباری اوقاتِ کار کے دوران سماجی دوری کے ضابطوں کا خیال رکھیں، عوام کے تعاون سے ہی کورونا کو پھیلنے سے روکا جا سکتا ہے۔