وزیر اعظم عمران خان نے اپنے عراقی ہم منصب کو عہدہ سنبھالنے پر مبارکباد دی ہے۔  

وزیراعظم عمران خان نے متعدد شعبوں میں دو طرفہ تعاون کو بڑھانے کے لیے عراقی وزیراعظم کے ساتھ مل کر کام کرنے کے عزم کا اظہار کیا ہے۔

وزیراعظم عمران خان نے  مصطفیٰ الکاظمی کو عراق کا وزیر اعظم بننے پرمبارکباد پیش کی۔

ترجمان دفتر خارجہ کے مطابق وزیراعظم نے اس امید کا اظہار کیا کہ مصطفی الکاظمی کی قیادت میں عراق میں اصلاحات ، قومی اتحاد اور ترقی کے اہداف کو مزید ترقی دی جائے گی۔

وزیراعظم عمران خان کا کہنا تھا پاکستان اور عراق کے درمیان قریبی برادرانہ تعلقات ہیں،دونوں ممالک میں دو طرفہ تعاون کے مزید فروغ کے لیے مصطفیٰ الکاظمی کے ساتھ مل کر کام کرنے کے منتظر ہیں۔