واشنگٹن :سابق امریکی صدر بارک اوباما نے امریکا کی کورونا سےنمٹنے کی حالیہ حکمت عملی کو تباہ کن قرار دے دیا۔

سابق امریکی بارک اوبامانے صدر ڈونلڈٹرمپ کی کورونا وائرس سے متعلق حکمت عملی پر شدیدتنقید کرتے ہوئے کہا کہ صورتحال سےجس طرحح سے نمٹاگیاہےوہ اس بات کی متقاضی ہے کہ بڑےعالمی بحران سے نمٹنے کیلئے  ملک کو مضبوط قیادت کی ضرورت ہوتی ہے،وائرس سے نمٹنے کی امریکی حکمت عملی انتشارسے بھرپوراورتباہ کن ہے۔

ادھرواشنگٹن سمیت متعددریاستوں میں لاک ڈاؤن کیخلاف تاحال مظاہرےجاری ہیں۔

اب تک امریکا میں کورونا وائرس سے80ہزار سےزائد اموات ہوچکیں ہیں جبکہ کیسز کی تعداد بھی 13لاکھ 47 ہزارسے تجاوز کرچکے ہیں۔

دوسری جانب امریکی نائب صدر مائیک پینس کی سیکریٹری کورونا میں مبتلاہوچکی ہیں، جس کے بعد کورونا وائرس ٹاسک فورس کے رکن ڈاکٹر فاؤچی نے بھی خود کو قرنطینہ کرلیاجبکہ ایف  ڈی اے اور سی ڈی سی کے کئی حکام پہلے ہی قرنطینہ اختیار کرچکے ہیں۔