کراچی:کراچی میں صبح سویرے رینجرز چوکیاں دہشتگردوں کے نشانے پر آگئیں۔ دس منٹ کے وقفے سے دو دستی بم حملے۔وزیرداخلہ سندھ نے نوٹس لیتے ہوئے رپورٹ طلب کرلی۔

گلشن اقبال میں دہشتگردوں نے رینجرزچوکیوں کو نشانہ بنایا۔پہلا حملہ موتی محل گلشن چورنگی پررینجرزکی چوکی پرکیا گیا۔دوموٹرسائیکل سوار ملزمان نے چوکی پرکریکر پھینکا جوباہری دیوارسے ٹکراکرپھٹ گیا۔کچھ ہی دیربعد عیسیٰ نگری میں بھی رینجرزکی چوکی کونشانہ بنایا گیا۔

خوش قسمتی سے اس باربھی کوئی جانی نقصان نہ ہوا۔ بم ڈسپوزل اسکواڈ کے مطابق دونوں حملوں میں دیسی ساختہ بم استعمال کئے گئے جنہیں کالے رنگ کے تھیلے میں باندھ کرپھینکا گیا تھا۔

صوبائی وزیرداخلہ سہیل انورسیال نے کریکرحملوں کا نوٹس لیتے ہوئے ڈی آئی جی ایسٹ سے رپورٹ طلب کرلی۔