کراچی : متحدہ رہنما فاروق ستارکہتے ہیں کہ ایم کیوایم کے اسیرکارکنوں کوجیل میں تشدد کا نشانہ بنایا۔وفاداریاں تبدیل کرنے کیلئے کارکنوں کو حراساں کرکے بند وارڈ کردیا گیا۔انسانی حقوق کی تنظیمیں اورآرمی چیف نوٹس لیں ۔

نائن زیروپرمنعقدہ پریس کانفرنس سے خطاب میں فاروق ستارکا کہنا تھا کہ وفاداریاں تبدیل کرانے کیلئےاسیرکارکنوں کوحراساں کیا گیا۔ دوروزقبل بیرکوں میں دھاوابول کرکارکنوں کوتشدد کا نشانہ بنایا گیا۔

ایم کیوایم رہنما کا کہنا تھا اسیرکارکنوں کو جیل مینوئل کے تحت حقوق سے محروم کرکے بند وارڈ کردیا گیا۔انسانی حقوق کی تنظیمیں اورآرمی چیف نوٹس لیں۔
فاروق ستارکا کہنا تھا کہ کارکنان میں فارم بانٹے گئے کہ فلاں پارٹی میں شامل ہوجائیں۔ ہمارے ایم این ایز اور ایم پی ایز کو بھی نامعلوم کالز آرہی ہیں۔انہوں نے کہا کہ ڈرائی کلینگ کی سیاست اورپاکیزہ فلم بند ہونی چاہیے۔

انہوں نے مزید کہا کہ شہرمیں پانی کے مسلے پر فسادات کی سازش کی جارہی جسے بعد میں لسانیت کا رنگ دے کرقتل وغارت گری کرنے کا منصوبہ بنایا جارہا ہے۔