اسلام آباد:وفاقی وزیراطلاعات شبلی فراز نے کہا ہے کہ مریم نواز پاکستان کوایٹمی قوت بنانے والی ایک نسل کی محنت اور کاوش کو ہر چیز کی طرح اپنے خاندان سے نہ جوڑیں ، جواپنے بیانیے سے وفا نہ کرسکے وہ عوام سے کیا وفا کریں گے۔

وفاقی وزیراطلاعات سینیٹر شبلی فرازنے سماجی رابطے کی ویب سائٹ ٹوئٹر پر اپنے بیان میں کہاکہ آج کے روزپاکستان کواسلامی دنیا کی واحد ایٹمی طاقت بننے کا اعزازحاصل ہوا ، ہماری ایٹمی قوت پاکستان اوراس کے عوام کے تحفظ و سلامتی کی ضامن ہے، قومی وقار اور سالمیت سب سے مقدم ہے ،قومی ملک کے دفاع اورترقی کیلئے ایک ہے۔

آج کے دن پاکستان کو اسلامی دنیا کی واحد ایٹمی طاقت بننے کا اعزاز حاصل ہوا۔ہماری ایٹمی قوت پاکستان اور اس کے عوام کے تحفظ و سلامتی کی ضامن ہے۔قومی وقار اور سالمیت ہمارے لئے سب سے مقدم ہے۔ قوم ملک کے دفاع اور ترقی کیلئے ایک ہے۔1/3

— Senator Shibli Faraz (@shiblifaraz) May 28, 2020

شبلی فراز نے کہاکہ ‏مریم نواز صاحبہ پاکستان کوایٹمی قوت بنانے والی ایک نسل کی محنت اور کاوش کو ہر چیز کی طرح اپنے خاندان سے نہ جوڑیں ، اپنے کارکنوں کوتنہا چھوڑکرہرمرتبہ میدان سے بھاگنے والوں سے قوم آگاہ ہے ،جوقیادت اپنے بیانیے سے وفاء نہ کرسکے وہ عوام سے کیا وفاء کریں گے؟ ۔

مریم نواز صاحبہ پاکستان کو ایٹمی قوت بنانے والی ایک نسل کی محنت اور کاوش کو ہر چیز کی طرح اپنے خاندان سے نہ جوڑیں۔اپنے کارکنوں کو تنہا چھوڑ کر ہر مرتبہ میدان سے بھاگنے والوں سے قوم آگاہ ہے۔جو اپنے بیانیے سے وفاء نہ کرسکے وہ عوام سے کیا وفاء کریں گے؟2/3

— Senator Shibli Faraz (@shiblifaraz) May 28, 2020

وزیراطلاعات نے مزید تنقید کرتےہوئے کہا کہ آپ کی قیادت کی وفا مٹی سے نہیں پیسے سے رہی ، ان وفاؤں کی تصویریں ایون فیلڈ اوردیگرجائیدادوں کی صورت دنیا بھرمیں نظرآتی ہیں ، قوم کے بچوں کا مستقبل چھین کراپنی اولادوں کی زندگی بنانے والوں کوقوم کبھی معاف نہیں کرے گی۔

آپ کی قیادت کی وفا مٹی سے نہیں پیسے سے رہی۔ان وفاؤں کی تصویریں ایون فیلڈ اور دیگر جائیدادوں کی صورت دنیا بھر میں نظر آتی ہیں۔قوم کے بچوں کا مستقبل چھین کر اپنی اولادوں کی زندگی بنانے والوں کو قوم کبھی معاف نہیں کرے گی۔3/3

— Senator Shibli Faraz (@shiblifaraz) May 28, 2020