اسلام آباد:وزیراعظم عمران خان نے کہا ہے کہ پیٹرولیم مصنوعات کی سب سے کم قیمتیں پاکستان میں ہیں، بھارت میں پیٹرولیم مصنوعات کی قیمتیں پاکستان سے دگنی ہیں۔

وزیراعظم عمران خان نے پیٹرولیم مصنوعات کی قیمتوں میں کمی پر سماجی رابطے کی ویب سائٹ ٹوئٹر پر اپنے ایک پیغام میں کہا کہ ہم نے پیٹرول ،لائٹ ڈیزل اور مٹی کے تیل کی قیمتوں میں مزید کمی کردی ہے۔

وزیراعظم نے کہا کہ  جنوبی ایشیا کے دیگر ممالک کے مقابلے میں اب ہمارے ہاں ایندھن کم ترین نرخوں پر دستیاب ہے،پیٹرولیم مصنوعات کی سب سے کم  قیمتیں پاکستان میں ہیں۔

ہم نےپٹرول، لائیٹ ڈیزل آئل اورمٹی کےتیل کومزید سستا کردیاہے۔جنوبی ایشیاءکےدیگر ممالک کےمقابلےمیں اب ہمارےہاں ایندھن کم ترین نرخوں پردستیاب ہے۔ بھارت میں یہ ہم سےدوگنا مہنگا ہےجبکہ بنگلہ دیش،سری لنکا اورنیپال وغیرہ میں اس کےنرخ ہم سے 50 سے 75% تک زیادہ ہیں۔pic.twitter.com/oD9wVMcZno

— Imran Khan (@ImranKhanPTI) May 31, 2020

عمران خان نے مزید کہا کہ بھارت میں پیٹرولیم مصنوعات کی قیمتیں پاکستان سےدگنی ہیں،سری لنکااور نیپال میں پیٹرولیم مصنوعات کی قیمتیں پاکستان کی نسبت50سے75فیصدزیادہ ہیں۔